Աշխատանքի նկարագրությունը

• Էկո Բիլդինգ ընկերությունը փնտրում է շինարարական աշխատանքների ղեկավարի (աշխղեկ) պարտադիր մասնագիտական կրթությամբ և աշխատանքային փորձով, ով պատասխանատու կլինի ընկերության տարբեր մարզերում գտնվող շինարարական օբյեկտների աշխատանքների կազմակերպման և իրականացման համար՝ ՀՀ մարզերում` Սյունիք, Վայոց Ձոր, Տավուշ)։

Աշխատանքային պարտականությունները

• Նախագծերին համապատասխան շինարարական աշխատանքների ողջ ընթացքի պլանավորում, կազմակերպում և վերահսկում,
• Շինարարության իրականացման նախնական փուլում նախագծային խնդիրների վեր հանում,
• Կատարված աշխատանքների համեմատում ճարտարապետական նախագծերի հետ,
• Անհրաժեշտ նյութերի պահանջագրի կազմում,
• Նախագծերի համապատասխանության ստուգում ինժեներական պահանջներին,
• Շինարարական անձնակազմի աշխատանքի որակի և տեխնիկական անվտանգության նորմերի պահպանման հետևում, շին. աշխատանքների սահմանված ժամկետներում կատարմանը հետևում,
• Կատարված շին. աշխատանքների չափագրում, փաստացի կատարված շին. աշխատանքների կատարողական ակտերի կազմում։

Պահանջվող որակավորումներ

• Բարձրագույն ինժեներական կրթություն (պարտադիր շինարարության ոլորտ),
• էլեկտրոնային ստորագրության առկայություն (ակտիվ),
• Մասնագիտական հմտություններ և կրթություն,
• Աշխատանքային փորձ տվյալ ոլորտում,
• Շինարարական նորմերի իմացություն,
• Նախագծանախահաշվային փաստաթղթերից օգտվելու կարողություն,
• Մարդկանց կառավարելու հմտություն,
• Համակարգված աշխատելու կարողություն, թիմում աշխատելու կարողություն,
• Արագ կողմնորոշվելու և ժամկետները պահպանելու կարողություն,
• Պատասխանատվության բարձր զգացում,
• Հայաստանի մարզեր գործուղումներ մեկնելու պատրաստակամություն։

Դիմելու ընթացակարգը

Կարող եք դիմել այս աշխատանքին` ուղարկելով Ձեր ռեզյումեն հետևյալ էլ. հասցեին` [email protected] :
Խնդրում ենք հստակ նշել, որ իմացել եք այս թափուր պաշտոնի մասին JobFinder.am կայքից: